مفيدة شيحة توجه رسالة قوية عن الخيانة: مش هضيع عمري في الانتقام.. قررت أحب نفسي

علقت الإعلامية مفيدة شيحة على قضية الخيانة والانتقام، مؤكدة أن الانشغال بالانتقام ممن تسببوا في الأذى يضيع العمر دون فائدة.

وقالت مفيدة شيحة خلال تقديمها حلقة اليوم من برنامج "الستات" المذاع على قناة النهار، تعليقاً على أحداث مسلسل "طالع نازل" للفنانة منى زكي: "أنا في رأيي هقول ليه كل ده، وأقعد أسهر الليالي وتضيع حياتي علشان الانتقام؟ أنا مش هضيع حياتي علشان الانتقام".

وأضافت: "الحياة مش مستاهلة تتحول لسلسلة انتقام.. وكده بقى كتير أوي ولازم أستمر في حياتي".

وتابعت: "أنا كمفيدة مش ملاك، وهفكر أنتقم، وهعمل بمثل شيل ده من ده يرتاح ده عن ده، وهقرر أحب نفسي"، مشددة على أن راحة البال وحب الذات يجب أن يكونا في المقدمة بدلاً من استنزاف الطاقة في التفكير في الإساءة وردها.